أعرف أن الهوى صدفة  أعرف أن الهوى مقسوم

ولكن وش يفيد البعد والانكار  وتكرار اللوم

من المســؤول عن جرحي  وغربة آهتي أزمان

اشق أوراق تقويمي أعد الجرح يوم  بيوم

ودخان اللظى خلّى حياتي كلها  حرمان

رحلت ولابقى مني سوى قلبٍ عليه وسوم

وسوم وخربشة  حبٍ بقايا "  كان ياما كان "

بقايا حبٍٍ احلامه  تخلي المنتصر مهزوم

تخلي اللي عشق يكره حياةٍ  كلها  نيران

من الاول الى الآخر من المبهم الى المعلوم

من القسوة الى الحسرة من الواقع الى النسيان

وانا اركض في دروب الوهم مع قلبٍ كثيرهموم

ادور في الزمن ديرة  ادور في الوطن عنوان

ورغم البعد وآهاته  ورغم اني نسيت النوم

ورغم انك تركتيني  بلا مينا ولا شطآن

ورب البيت واركانه   ورب الواقعه والروم

لأحبك ما بقى راسي ولا فكرت بأي أنسان